LA AKUZATIVO DE DIREKTO EN GEOMETRIEJA DISTRAĴO

La akuzativo de direkto montras la celon de movo. Oni uzas ĝin post prepozicioj, kiam oni volas montri movon al nova loko:

• en → La kato saltis en la domon (= al la interno)
• sur → Li metis la libron sur la tablon
• sub → La muso kuris sub la liton
• super → La birdo flugis super la tegmenton
• antaŭ → Ŝi iris antaŭ la spegulon
• malantaŭ → La infano kaŝiĝis malantaŭ la arbon
• apud → Li sidiĝis apud la tablon

Komparu: Kiam oni ne montras movon, oni uzas nominativon:

• La kato estas en la domo
• La libro kuŝas sur la tablo

*******************

El tiu malsupra teksto, listigu unue la akuzativojn de rekta objekto kaj due, la akuzativojn de direkto.

    En afrika urbo, kie okazis kontinenta esperantista renkontiĝo, estis inaŭgurita ekspozicio de spaca aŭ volumena geometrio por studado, vizitado, observado aŭ simpla kontemplado de scivolemuloj. Ĝi situis meze sur la centra parko de la urbo, kaj multlanda grupo de geesperantistoj profitis sian ĉeeston en la loko, por viziti tiun geometriejon.

    Ifunanja rapidis antaŭen por eniri en la geometriejon. Ŝi eniris en la kubon, kiu estis la unua objekto staranta apud la enirpordo. Tuj poste venis Ĉukuemeko, kiu preferis salti sur la kubon, por rigardi la malsupron de supre.

    Abeba, kiu estis adoleskantino, preferis salti super la cilindron, sed ne staris sur ĝi. Ŝi nur saltis trans la cilindron, denove starigante sin sur la planko post la cilindro.

    Babatundo fotis sin (aŭ memfotis) antaŭ la piramido, sed antaŭe li iris antaŭ la piramidon por memorigi sin pri la piramido ekzistanta en sia naskiĝurbo.

    Kolanio, siavice, preferis kuri malantaŭ la sferon, kaj tie li saltis rekte sur tabulon, kiu kuŝis apude.
    Tuj poste Abeba eniris en la konuson, kaj tie ŝi sidis dum kelkaj minutoj sur kubeto, en la cilindro. Do unue ŝi eniris en la konuson, poste ŝi sidiĝis sur la kubeto kaj fine sidis sur ĝi.

    Dum tio, Ĉukuemeko kuris dekstren, apud la sferon, sed tuj antaŭe li paŝis antaŭen, en la paralelepipedon, por tie interne fari pozon por foto de Ifunanja.

    Ifunanja estas tre inteligenta homo, kaj ŝategas fari fotojn ĉie, kaj post la lasta foto farita, ŝi decidis alproksimiĝi al la piramido, kaj poste ŝi kuris al la konuso kaj eniris en ĝin, ĉar tiu konuso estas unu el tiuj geometriaj objektoj, kiujn ŝi plej ŝatas. Ŝi movis sin antaŭ la sferon.

    Poste ŝi kuris en la paralelepipedon, kiu estis dekstre de la ekspoziciejo, kaj tie ŝi memfotis sin ridante.

    Babatundo, siavice, preferis sidiĝi antaŭ la cilindro, sed nelonge. Baldaŭ li stariĝis kaj kuris super la kubon, kie li rigardis malsupren, kaj vidis la gesamideanojn kurantaj tien kaj reen, por fari fotojn kaj ludi pli iomete.

    Do, kiu volis kuri antaŭ kaj en la piramidon nun? Tiu estis Ifunanja. Ŝi estas tre scivolema kaj ankaŭ ĝojema homo.

    Unue, alveninte antaŭ la piramidon, ŝi decidis kuŝi sur la planko — jes, kuŝi sur la planko, kuŝiĝinte antaŭe antaŭ ĝi. 

    Do, Babatundo kuris malantaŭ la sferon, kaj de tie li saltis al la interno — la interno de la konuso, kiu situis apude. En la konuson li eniris, kaj en ĝi li trovis sfereton, kiu enhavis unu infanon. Tie li saltis dufoje sur la planko por fari riton de sia kulturo.

    Post tio, ĉiuj foriris kontentaj pro siaj distraĵoj.